Útgávur - Bókin

 

 

Bábelstornið / Regin í Líð. - Tórshavn : Hitt føroyska bókmentafelagið, 1909. - 262 síður

Lýsing
Fyrsta skaldsøgan á føroyskum máli.
Politisk ættarsøga. Vit fylgja húsfólkunum á tveimum gørðum um trý ættarlið. Umframt at lýsa samskifti millum menniskju í gerandisdegnum leggur høvundurin hendingarnar til tey politisku so livandi árini umleið 1950. Sagt verður m.a. frá um stríðið millum føroyskt og danskt og afturhaldið í Føroyum mótvegis teimum, ið hava leitað sær út um eingjagarðarnar at vinna sær útbúgving.

Aðrar útgávur
2. útgáva, endurprent ; Tórshavn : Emil Thomsen, 1987. - xxxiv, 262 síður.

Prentað eintøk
1. útgáva - óvist, men í brævi til Símun av Skarði frá dana, sum biður lata seg fáa eintak av skaldsøguni, sigur hann seg hava frætt, at hon bert er útkomin í 80 eintøkum.

Bókin byrjar soleiðis
"Sunneva uppi í Stovu var av útsjónd bæði beinstór og skrámut. Hitt kvinnuliga yndið hevði ongantíð verið hennara ogn; men hon hevði haft mangt fram um aðrar kvinnur í øðrum lutum ..." 
Tíð: 6.25 min.

ljodfila
Fílan kann goymast á telduni. 
Høgraklikkið á knøttin. 


Útgávur - Ljóðbókin

 

Ljóðbókin Bábelstornið



Bábelstornið / Regin í Líð ; lesari: Olivur Næss  - Tórshavn : Ljóðbókanevndin, 2009.

Fløgur: 7+1 
Tíð: uml. 7 tímar, 30 min.

Lisin upp í Útvarpi Føroya av Olivur Næss í 1988.
Oskar Hermanssen las eisini bókina í Útvarpi Føroya 01-06-1966.


Úr ljóðbókini
Guðrun Gaard lesur sjálv upp úr innganginum, hon hevur skrivað til 2. útgávu av bókini.
Tíð: 11 min.

ljodfila
Fílan kann goymast á telduni. 
Høgraklikkið á knøttin. 




Úr ljóðbókini
Hitt politiska og mentunarliga rákið í seinnu helvt av 19. øld, sum er grundarlagið undir skaldsøguni, lýsir Rasmus sjálvur soleiðis í yvirliti sínum yvir Føroya søgu 825-1906.

Ingi Rasmussen lesur.
Tíð: 36 min.

ljodfila
Fílan kann goymast á telduni. 
Høgraklikkið á knøttin. 


Útgávur - Tingakrossur

 

 


Skaldsøgan stóð upprunaliga í vikublaðnum Tingakrossi 1908 nummar 43-53 og 1909 nummar 1-49.

Í Tingakrossi gekk skaldsøgan øll undir titlinum Ættarbregi.

Tá ið skaldsøgan kom út í bók í 1909, var heitið broytt til Bábelstornið.

Bókin hevur tveir partar. Fyrri parturin hevur tann upprunaliga tittulin Ættarbregi, meðan annar partur fekk heitið Bábelstornið.

Trýst á myndina fyri at vaksa um hana.