Skjaldur

Skjaldur

Skjaldrini hava, sum tey gomlu kvæðini, sín uppruna í miðøldini, og hava tey ofta okkurt samband við tekstir úr hinum Norðanlondunum. Um øll skjaldrini er at siga, at tey hava verið sungin ella søgd fyri børnum, ikki bara tá ið tey fóru at leggja seg, men eisini aðrar tíðir á degnum. Til kvøldsetur hittust fólk og søgdu søgur og sagnir og lærdu kvæði, vísur og skjaldur, samtíðis sum tey arbeiddu ella fingust við ymiskt ítriv. At skjaldra merkir at skrøgga, møsna ella fáast við okkurt. Á sama hátt sum kvæðini, ið hava livað á mannamunni, høvdu skjaldur, rím og remsur avgerandi týdning fyri, at tað føroyska málið fótaði sær í kappingini við danskt. Úr: Skjaldur, rímur og ramsur, Marianne Clausen Stiðin, 2012
New item
Í 1969 skrivaði tónaskaldið Birgitta Hylin (1915-1998) nótar til skjaldrið Tívils døtur, sum tað ljóðaði úr munni Jóhonnu Mariu Skylv Hansens (1877-1974), í Nólsoy. Henda - og fleiri variatiónir av Tívils døtur, vórðu prentaðar í Skjaldur, rímur og ramsur (2012) sum Marianne Clausen (1947-2014) ritstjórnaði.
New item
Í 1989 komponeraði tónaskaldið Sunleif Rasmussen Fantasi yvir Tívils døtur fyri klarinett og horn. Motivið, sum er endurtikið, í annars abstrakta tónleikinum, er við íblástri frá útseting William Heinesens (1900-1991)til skjaldrið Tívils døtur.

Mynd & Ljóð