Kvæði

Kvæði og tættir eru upprunaliga skaldskapur av mannamunni, varðveittur munnliga ættarlið eftir ættarlið. Óvissan um upprunan og aldurin hjá kvæðunum hevur samband við, at tey vórðu ikki uppskrivað og savnað fyrr enn fyrst í 19. øld. Kvæðini vísa sambandið millum skaldskap í Føroyum og útheimin, tey hava bæði snið og innihald í felag við skaldskap aðrastaðni í Evropa. Kvæðini eru dansiskaldskapur, sum finst á øllum málum í Norðurlondunum. Kvæðadansur, føroyskur dansur, er kortini bara kendur í Føroyum. Føroyski dansurin kann væl vera nógv broyttur upp gjøgnum tíðina.

Úr: Føroysk bókmentasøga 1., Malan Marnersdóttir & Turið Sigurðardóttir

New item
Sjúrður Sigmundarson ríður á Glitraheiði at vega ormin og vinna gullið William Heinesen málaði til Tórshavnar kommunuskúla, 1956 Mynd: Haldur Suni Johansen, 2015
New item

2. Kongurin letur snekkjur smíða har á sløttum sandi; Ormurin langi størstur var, sum gjørdist á Noregis landi.

3. Knørrur varð gjørdur á Noregis landi, gott var í honum evni; sjúti alin og fýra til var knørrurin millum stevni.

10. „Einar skalt tú nevna meg, væl kann bogan spenna, Tambar eitur mín menski bogi, ørvin drívur at renna.“

21. Tríggir gingu teir skipaflotar út av Oyrasundi, Jarnbardur í odda sigldi, jallurin stýra kundi.

46. Úlvur reyði í stavni stendur, gott er í honum evni: „Legg ikki Ormin so langan fram, sum hann hevur longri stevni.“

55. Svaraði Herningur, kongsins svágur, letur so orðum falla: „Tey eigur Eirikur Hákunsson, hann ber ein yvir allar.“

65. Einar spenti Tambarboga, pílurin streingin strongdi, Pílur fleyg yvir jallsins høvur, róðurknappin sprongdi.<(p>

80. Jallurin valdi sær reystar garpar, fáir finnast slíkir, snarliga aftur á Ormin sprakk, tá mátti Herningur víkja.

 Úr: Nýggja kvæðabókin, 1., Jens Chr. Djurhuus (1773-1853)

Mynd & Ljóð

Dansifelagið í Havn

Dansifelagið í Havn, Birgir Djurhuus skipar táttin Upptøka: Kringvarpið, í Hornahúsunum, 2013. Spælitíð: 09:43

Soleiðis dansa føroyingar føroyskan dans í dag.

A fantasy journey to the Faroe Islands
Carl August Nielsen (1865-1931) Upptøka: Wesley Memorial Church, Oxford, 2012. Spælitíð: 01:37

Her verður kvæðið Tróndur í Gøtu brúkt sum íblástur til eina ferð til Føroya, sum tónaskaldið ongantíð sjálvur gjørdi. Brotið er ein lýsing av, hvussu skaldið ímyndar sær, at fólkið í oyggjunum heldur sær at gaman við sangi og dansi.

Harkaliðið

Harkaliðið Upptøka: LP pláta, 1971. Spælitíð: 04:42

Harkaliðið var fyrsti tónleikabólkur, sum endurnýggjaði føroysk kvæði og harvið gjørdi tey meira kend millum fólk, sum annars ikki hava áhuga í kvæðunum.

Føroya Landsorkestur

Atli K. Petersen arr. & Bernharður Wilkinson Upptøka: HOF, Akureyri, 2011. Spælitíð: 02:03

Unglingalandsliðið hjá Føroya Musikkskúla framførir kvæðalagið Ólavur Riddararós, útsett fyri klassisk ljóðføri.

Upptøka: Barok Film, 2003. Spælitíð: 05:13

Hesin stuttfilmur var vístur í sambandi við norðurlendska verkætlan, Moving North – 10 Short Dance Fims, sum lýsir gleðina, dansurin gevur - og sum næstan broytist til hugførslu og eydnusælu.

Estetisk fimleikaseria
Føroysk fólkamentan

Hulda hjá HF Upptøka: Kringvarpið, 2015. Spælitíð: 02:58

Føroysk fólkamentan, dansur og tónleikur gevur íblástur til sigurs.

Føroyskur dansur 1927

Leo Hansen. Upptøka: Sumba, 1927. Spælitíð: 01:17

Kvæðadansur ella føroyskur dansur er broyttur við tíðini. Her dansa og kvøða menn í Sumba. Men hvat hava teir kvøðið?

Týr

Upptøka: Tónleikaljóðband, av fløguni Eric the Red, 2003. Spælitíð: 06:08

Týr hevur gjørt fleiri føroysk kvæði atkomulig hjá altjóða tungmálmsfjepparum og øðrum. Við hesum hevur Týr varpað ljós á føroysku kvæðini av nýggjum, bæði úti um landoddarnar og her heima.