|
Tríggir úrmælingar frá tvey
Framsýning á Føroya landsbókasavni Apríl 2002
Í apríl mánað 1902 vórðu hesir tríggir úrmælingarnir bornir í heim:
Jákup C.F. Olsen úr Havn, Martin Joensen úr Sandvík og Halldór Laxness úr Reykjavík.
Umframt at vera føddir í apríl, høvdu teir eisini tað til felags, at teir vóru hugtiknir av list og skaldskapi.
|
|
|
Jákup C. F. Olsen 4. apríl 1902 - 12. juni 1963.
| Martin Joensen 19. apríl 1902 - 25. desember 1966.
| Halldór Laxness 23. apríl 1902 - 8. februar 1998.
|
Fyri at minnast hesar tríggjar úrmælingarnar, sum høvdu fylt 100 í apríl, um teir vóru á lívi, skipar Føroya landsbókasavn frá 23. apríl fyri framsýning við ymiskum, sum bókasavnið hevur í varðveitslu eftir teir tríggjar.
Tað mesta av tilfarinum á framsýningini er í varðveitslu á Landsbókasavninum, men nakað hava vit við vælvild lænt frá stovnum og privatpersónum.
Framsýningin stendur upp í vár og tað mesta av summarinum.
Umframt at Halldór Laxness er føddur 23. apríl er hesin dagur eisini Altjóða bókadagur. Í tí sambandi skipar Landsbókasavnið fyri serligum haldi, har framsýningin letur upp fyri almenninginum og bókadagurin verður hildin við upplesti og tónleiki. Sí skrá her.
Tíðindaskriv •
Frá framsýningini
|
|