Chr. Matras varð føddur á Brekkumørk á Viðareiði 7. desember 1900. Foreldrini vóru Jógvan Michael Matras keypmaður og Anna Elisabeth Poulsen, bæði úr Hvannasundi.
Eftir lokna skúlagongd í heimbygdini fór hann tólv ára gamal í realskúla í Havn. Í 1917 fór hann á Sorø Akademi, haðan hann tók studentsprógv í 1920. Sama ár fór hann at lesa norrøna málfrøði á lærda háskúlanum í Keypmannahavn. Magistaraprógv tók hann í 1928. Eftir tað var hann eina tíð lærari í realskúlanum í Havn. Doktaraheiti vann hann sær í 1933 við ritgerðini um staðanøvn í Norðuroyggjum. Í 1936 fekk hann støðu sum lektari í føroyskum við lærda háskúlan í Keypmannahavn og sum dosentur í 1942. Í 1948 varð hann tilnevndur professari. Í 1965 kom hann heim at standa fyri hinum nýstovnaða Fróðskaparsetri Føroya. Hann var fyristøðumaður fyri Føroyamálsdeild setursins, til hann legði frá sær í 1971. Ein høvuðsgripur í goymslum deildarinnar er hitt stóra seðlasavnið til føroyska orðabók, ið hann hevði tikið saman árini í Keypmannahavn, og sum hann hevði heim við sær og nørdi nógv um her.
Chr. Matras doyði 16. oktober 1988.
1900 Føddur á Viðareiði
1920 Studentur
1921 Jonathan Swift: Ferð Gullivers til
Pinkulinganna (týðing)
1926 Grátt, kátt og hátt (yrkingar)
1927-28 Føroysk-donsk orðabók. Saman við
M.A.Jacobsen
1928 Magistaraprógv í norrønari málfrøði
1928 Giftist við Marionnu Lützen
1930 Føroysk fólkanøvn. Saman við
M.A.Jacobsen
1931-35 Varðin (ritstjóri: bd. 11-15)
1932 Stednavne paa de færøske
Norðuroyar.
(Doktararitgerð)
1933 Dr. phil
1933 Heimur og heima (yrkingar)
1934 Føroyskur skaldskapur í úrvali I-III.
Saman við M.A.Jacobsen og H.A.Djurhuus
1934 Lítil brævabók. Saman við
M.A.Jacobsen og
Thorstein Petersen
1935 Føroysk bókmentasøga
1939 Føroysk lesibók II. Saman við
M.A.Jacobsen og H.A.Djurhuus
1939 Thomas Kingo: Songkórið andliga
(týðing)
1939 Svabos færøske Visehaandskrifter
(útg.)
1940 Úr leikum og loyndum (yrkingar)
1941-51 Føroya kvæði, bd. I-IV (útg.)
1943 Jørgen-Frantz Jacobsen: Nordiske
kroniker (ritstj.)
1943 Svabos Glossar til færøske
Visehaandskrifter (útg.)
1945 Robert Burns: Yrkingar (týðing)
1945-52 Útiseti (ritstjóri saman við Karsten
Hoydal)
1950 Ættmenn uttanlendis
1951 Ferð Gullivers til Pinkulingalands.
2. útg. (týðing)
1951-53 J.H.Schrøters optegnelser af Sjúrðar
kvæði (útg.)
1958 Færøerne/Føroyar,bd. 1-2 (ritstjóri)
1965-71 Leiðari av Føroyamálsdeild
Fróðskaparsetursins
1965 Yrkingar 1917-45
1966-70 J.C.Svabo: Dictionarium Færoense,
bd. 1-2 (útg.)
1970 Bygd og hav (yrkingar)
1972 Á hellu eg stóð (yrkingar)
1972 Jørgen-Frantz Jacobsen:
Barba og harra Pál (týðing)
1973 Evangelium Sankta Matteusar,
bd. 1-2 (útg.)
1973 Nøkur mentafólk
1973-74 Varðin (ritstjóri: bd. 41-42)
1975 Av Viðareiði (yrkingar)
1975 Leikur og loynd. Fullfíggjað útgáva av
egnum yrkingum og týddum
1975 William Heinesen: Degningsvindar
(týðing)
1976 William Heinesen: Himinin brosar
(týðing)
1976 Jørgen-FrantzJacobsen: Dýrmæta lív
(týðing)
1976 Jørgen-Frantz Jacobsen: Tíðargreinir
1925-1937 (týðing)
1977 F.D.Voltaire: Candide ella besti
heimur (týðing)
1978 Úr sjón og úr minni (yrkingar)
1978 Albert Camus: Pestin (týðing)
1981 Nýggjar týðingar (yrkingar)
1981 Upp í lógvan av ørindum /
En håndfuld vers (yrkingar)
1982 Lucian Blaga: Tólv yrkingar (týðing)
1983 Anatole France: Steikarahúsið við
Drotning Gásafót (týðing)
1988 J.H.O.Djurhuus: Yrkingar 1898-1948.
(ritstj.)
2000 Greinaval – frøðigreinir
Trøll