JÁKUP DAHL
(1878-1944)

Framsýning á Føroya Landsbókasavni á sumri 2000.
Her er eitt lítið úrval av tí, ið var at síggja.

Á Føroya Landsbókasavni eru fleiri handritasøvn. Eitt teirra er eftir Jákup Dahl, próst, og hetta man vera eitt tað størsta eftir ein einstakan persón, ið er til skjals í Føroyum. Tað eru skyldfólk og næstringar hjá próstinum, ið hava latið landsbókasavninum tilfarið í varðveitslu, meginparturin er latin inn miðskeiðis í nítiárunum, og tilfarið er nú skrásett og skipað.

Talan er um handrit til prædikur, yrkingar, sálmar, røður, søgur og handrit til ymiskar týðingar, Jákup Dahl læt úr hondum. Harumframt er talan um eitt sera stórt og virðismikið bræva- og myndasavn.

Í tíð fevnir tilfarið um eitt tíðarskeið frá Jákup Dahl sum 11 ára gamal gongur í skúla í Vági og til hann doyr í Sandagerði í 1944, á sínum 66 ára føðingardegi 5. juni.

Myndir

Ungur studentur	J.D. 1912	Karise 1906-07	J. Dahl, próstur